Teo, 19 de novembro do 2021 – O Xulgado de Instrución número 1 de Santiago denegou as peticións de Toysal para que declararan Uxía Lemus, ex primeira tenente de alcalde, e Ignacio Soto, arquitecto municipal.
A sentencia é un capítulo máis do proceso iniciado por Toysal, propietaria da canteira da Casalonga, ao acusar de prevaricación aos mencionados cargos do concello de Teo.
O pasado día 15 Toysal solicitaba novas dilixencias. Pedía con distintos argumentos que foran chamados a tenente de alcalde e arquitecto. As acusacións de prevaricación foran xa sobreseidas no mes de xaneiro.
Tras practicarse novas dilixencias por unha petición de Toysal no mes de marzo, o 8 de novembro se comunica ás partes si consideran que é preciso algunha instrución máis. Toysal pediu de novo que acudiran aos xulgados a declarar.
Agora o xulgado considera que no hai lugar para esa petición. O escrito volve a insistir en que o “cerne” da causa é a titularidade da pista, cuestión sobre a que ambas as dúas partes teñen distintos argumentos. O feito de que o concello aporte a súa documentación sostén o feito de que non se dou prevaricación.
O resumo, salvo novas sorpresas, é que hai argumentos para considerar a pista pública e que si alguén considera que non é así deberá ir ao xulgado para resolver esa cuestión en concreto. A expropiación lavada a cabo desde a Xunta, e o recurso que o concello presenta no xulgado en contra de esa decisión, pode que acabe `por delimitar a cuestión.