Compostela, 8 de marzo do 2021 – O sector dos taxis é tamén outro dos sectores máis afectados e con eles reuniuse o voceiro popular de Santiago, Borja verea.
Verea mantivo un encontro de traballo con Jesús García e Jesús Pena, presidentes da asociación Radio Taxi Compostela e da asociación TeleTaxi Compostela respectivamente.
No encontro analizouse a complicada situación pola que están a pasar os 145 taxis da cidade e dos que dependen moitas familias. A importante redución da actividade como consecuencia das restricións sanitarias reduciron os ingresos ata facelos practicamente desaparecer. A ausencia de turistas e os peches perimetráis so as dúas principais causas da situación.
Borja Verea destacou que “o taxi é un servizo básico e esencial” e polo tanto “ ten que ter o compromiso e apoio de todas as administracións” e “aínda máis nunha cidade como a nosa cunha dependencia tan alta dos turistas e dos veciños doutros municipios”.
Engadiu que tanto a administración estatal como a autónomica “teñen que poñer todos os seus esforzos en facilitar o acceso as axudas” e “botou en falta unha maior sensibilidade por parte de concello de Santiago para estar ao lado dos taxistas composteláns” os cales rematou “non están recibindo ningún tipo de axuda do concello cando a súa situación é igual de dramática á doutros sectores”.
Critica as decisións municipais
As asociacións tamén denunciaron as últimas decisións municipais que están a dificultar aínda máis o traballo dos taxis. Puxeron como exemplo as fallidas peatonalizacións no Ensanche ou a falta de marquesiñas no entorno da nova Estación de Autobuses e pediron máis diálogo.
Neste senso Borja Verea concluíu que “se alguén coñece os problemas de mobilidade da cidade son os taxistas e deberíase contar con eles en todos os cambios que afecten ao tráfico, escoitándoos e protexendo a súa actividade”.
