O Pino, 20 de xuño do 2022 – O Psoe do Pino obriga a convocar un pleno extraordinario no que se de unha argumentación xurídica para o bloqueo de veciños ás redes sociais do concello.
A cita terá lugar ás nove da mañá e a convocatoria solicita que o alcalde, Manuel Taboada, explique os motivos de manter o bloqueo, a varios veciños/as e representantes municipais, no acceso e visualización das redes sociais institucionais
Antes de esta convocatoria os socialistas presentaron distintos escritos pedindo estas mesmas explicacións pero ante a falta de respostas decidiron convocar o pleno extrordinario, un dos tres que teñen dereito a convocar cada ano.
O PSdeG local afirma que o Alcalde de O Pino utiliza desde fai moito tempo as redes sociais institucionais dun xeito totalmente partidista, “o Sr. Taboada caracterízase por darse autobombo. Leva moi mal a crítica, non acepta que ninguén cuestione a súa labor, e cando algún veciño ou veciña discrepa coa acción do goberno e o manifesta publicamente, o Alcalde, intenta por todos os medios que iso non transcenda, censurando e bloqueando ao mesmo nas redes sociais do concello”, manifesta o voceiro socialista, Óscar Vilar.
O Grupo Socialista local indica que estes feitos non se poden volver a permitir, “estamos ante un abuso de dereito, e extralimitación de funcións por parte dun mandatario local. Hoxe ninguén discute que as redes sociais institucionais son unha fonte de información para a cidadanía, e ninguén pode limitar ese dereito, e moitos menos a ningún concelleiro ou concelleira”, afirman.
Co obxecto de que todo isto non se volva a producir levan tres propostas de acordos ao Pleno: ordenar o desbloqueo inmediato, fomentar que as redes sociais institucionais conteñan información obxectiva e non se utilicen de forma partidista, e no caso de que se teña que realizar algún bloqueo por faltas de respecto e educación terá que existir antes un informe motivado e aprobado polo Pleno da Corporación.
