Compostela, 28 de decembro do 2018 – O Monbus Obradoiro aprobou na Xunta Xeral de Accionistas as contas do presente exercicio e os orzamentos da tempada 18/19.
Na Xunta Xeral estivo representado un quórum do 66,6%, para tratar todos os puntos correspondentes á tempada 2017/18. A sesión iniciouse coa presentación do Informe do Presidente, realizada por Raúl López e o director xeral do Monbus Obradoiro, José Luis Mateo.
A continuación quedaron aprobadas as Contas Anuais correspondentes ao exercicio 2017/18 (99,89% a favor, 0% en contra e 0,11% de abstención), a distribución do resultado do exercicio (99,94% a favor, 0% en contra e 0,06% de abstención), a xestión da SAD por parte do Consello de Administración durante a tempada 2017/18 (99,94% a favor, 0% en contra e 0,06% de abstención), o orzamento da tempada 2018/19 (99,84% a favor, 0,05% en contra e 0,11% de abstención), o cesamento/nomeamento de novos membros do Consello de Administración (99,86% a favor, 0% en contra e 0,14% de abstención), a
modificación dos estatutos (99,89% a favor, 0,10% en contra e 0,01% de abstención), e a creación da web corporativa da sociedade (99,89% a favor, 0,10% en contra e 0,01% de abstención).
Nomeáronse aos seguintes membros do Consello de Administración, que se atopaban presentes na Xunta Xeral de Accionistas e aceptaron o cargo, quedando vacantes un máximo de tres postos: Raúl López como presidente, e os conselleiros Rafael Silva, Óscar Rodríguez, Javier González, Lupe Murillo, Valentín Vázquez, Luís García, Argimiro Fernández, José Manuel Rivera e José Manuel López Marcote.
