Compostela, 05/06/2026 A promoción do ilusionismo galego e a promoción de as novas “visitas máxicas”, son os dous eixos do Museo da Maxia de Galicia que reabre as súas portas despois da reforma do espazo expositivo no local da Praza de San Martiño Pinario en Santiago de Compostela.
No acto de reinauguración, o director do centro, Eloy Fernández indicou que esta nova imaxe do museo persigue “un comisariado que situe no centro o valor do ilusionismo galego”. A nova programación inaugúrase este sábado, 6 de xuño, no marco da festividade do barrio de San Martiño “50 anos aló”.
Ofrecerá unha programación gratuíta de maxia que inclúe obradoiros de maxia infantil, un espectáculo a cargo do colectivo Compostela Máxica, e a estrea do formato “Maxia nos escaparates do museo”, na que ademais do propio Eloy Fernández actuará Joshua Kenneth, ilusionista coruñés galardoado co Premio Europeo de Maxia.
Fernández estivo acompañado no acto dalgúns dos mellores ilusionistas de Galicia, coa participación estelar dunha lenda viva da maxia: o Mago Antón e de ao que diversos persoeiros do sector cultural, que valoraron moi positivamente os primeiros meses de actividade e a resposta do público ao Museo da Maxia desde a súa apertura o pasado mes de novembro, cando abriu as súas portas no espazo orixinal do museo de Kiko Pastur na Praza de San Miguel dos Agros.
Tras a modificación, o novo recinto expositivo vén acompañado das novas visitas máxicas Estrelas da maxia galega unha experiencia dunha hora de duración no museo na que pequenos e maiores poden abraiarse con pezas históricas, ilusións interactivas e trebellos sorprendentes, e a través da maxia en directo dos ilusionistas do museo, descubrir a fascinante e descoñecida historia da maxia galega.
A nova exposición permanente conta como gran novidade co legado completo do “Houdini galego”, o Conde de Waldemar. “este mago de Portomarín, foi o máis grande ilusionista de Galicia e foi coñecido como o rei dos magos e o mago dos reis, detivo o tráfico do Golden Gate de Nova York, e chegou a actuar para o emperador de Xapón.”
Presentación de A Cova das meigas
Tamén se presentou a nova sala clandestina do museo, A Cova das Meigas, que contará cunha tempada regular de espectáculos na que se programarán os mellores espectáculos de maxia de preto de Galicia, e tamén de ilusionistas estranxeiros. “Queremos que pouco a pouco a maxia teña a presencia que merece no tecido cultural, con propostas conectadas coa cidadanía e que poñan en valor a maxia galega, que conta cun gran recoñecemento no resto de España e do mundo.”
