A Pobra, 19 de xullo do 2021 – O pasado venres iniciáronse as viaxes en veleiro pola ría da Arousa a bordo do Mascato, impulsadas pola Concellaría do Turismo da Pobra do Caramiñal.
A concelleira Charo Varela preséntou estas viaxes en veleiro que consideran “unha maneira alternativa de coñece-lo patrimonio medioambiental, marítimo e paisaxístico costeiro”.
As excursións en veleiro teñen lugar os sábados e domingos dos meses de xullo e agosto. A duración do traxecto é de hora e media e as saídas establécense en quendas de mañá e de tarde.
O prezo estipúlase en 15 euros para as persoas adultas e 10 euros para nenos e nenas menores de 12 anos, ofrecendo un desconto para as familias. Cómpre indicar que as travesías transcorrerán seguindo as medidas implantadas por mor da COVID-19.
A cabida máxima do veleiro é de 10 persoas, razón pola cal é preciso formaliza-la reserva e compra previa do tícket no punto de información turística, situado na Casa Mariñeira, no enderezo electrónico turismo@apobra.gal ou nos teléfonos de contacto 671090262 e 687482835.
Tamén hai a disposición a páxina web www.apobra.gal/turismo para máis información.
