Cada fin de semana repasamos o máis lido en Lindeiros nos cinco primeiros días da semana. Aquí tes as novas que máis interesaron do 7 ao 11 de xullo.
Un feixe de anos despois seguimos falando da mina de Touro, cando pensabamos que o peche se non era cousa feita estaba encamiñado reaparece cun novo proxecto Cobre San Rafael. E sete anos despois Minas pídelle de novo aos veciños que demostren que son “parte interesada”, obxectivamente un sen sentido.
As veces o arranxo de estradas é algo que move aos nosos lectores por variadas razóns. Foi o que sucedeu esta semana cun convenio da Deputación e o concello da Baña para arranxar a vía que une os lugares de Lañas e O Pazo.
A idea do goberno de Compostela de sacar a poxa soares en ruínas, recollido na lei pero nunca aplicado en Galicia, provoca interese da cidadanía. Dos catro tres están parados polo momento pero o cuarto segue co procedemento e abre unha vía de recuperación de espazos.
E rematamos con dúas novas do ámbito cultural, o cine ao aire libre que nace dos orzamentos participativos e Alba de Compostela. A homenaxe que tanta polémica causou na súa primeira edición consolídase como un dos eventos do 25 de xullo.
