Cada fin de semana repasamos o máis lido en Lindeiros nos cinco primeiros días da semana. Aquí tes as novas que máis interesaron do 30 de xunho a 4 de xullo.
Que un alcalde pase polos xulgados é sempre unha nova que se mantén entre o máis lido no tempo e nas portadas; é o que sucedeu co xuízo oral que se abriu contra o ex alcalde da Baña, Andrés García Cardeso e a súa muller. Segue estando entre as novas máis lidas da semana.
Que sexa o máis lido tamén pasa cunha nova que comezou pouco a pouco e que cada vez foi máis lida, a dos axentes medioambientais que reclaman mellores condicións laborais e máis recursos. Segue sendo do máis lido de Lindeiros, lóxico se pensamos que xa estamos (levamos un tempo) en épocade incendios que polo momento parecen controlados.
Por suposto o feito de que un concello perda unha axuda de 120000 euros por non presentar a tempo a documentación non é habitual e o lector interesase polas razóns. Foi o que pasou en Ames e o alcalde socialista Blas García o recoñeceu así nun pleno; quixo comparar co sucedido cando tiña ao BNG como socios de goberno pero en aquela ocasión tívose tempo de aportar a documentación que falta e conseguir a axuda e o de agora xa non ten solución.
Como non todo vai a ser malo, estamos desfrutando e moito do Festival Atlántica de narración oral que ademais de estar nas vilas grandes acode aos recunchos do rural o que sempre é de agradecer. Un proxecto que está na edición doce máis un e que está enchendo cada actuación que celebra.
