Cada fin de semana repasamos o máis lido en Lindeiros nos cinco primeiros días da semana. Aquí tes as novas que máis interesaron do 29 de setembro ao 3 de outubro.
Que en Galicia somos festeiros é algo que todos sabemos, non resulta estraño que a ova máis lida na última semana sexa a dunha romaría. Santa Minia en Brión marca sempre o fin do verán e o comezo do outono o que non quere dicir que non haxa con que pasalo ben, un só ten que acercarse ese días e desfrutar das verbenas, das polbeiras e, si é crente, das múltiples misas.
A segunda nova ten que ver con algo do que escribiu moito antes, agora e seguirase en esta liña. As obras de humanización do Milladoiro sempre están en tódolos debates xa sexa polo tráfico ou como foi esta semana polo que afectan aos peóns. O PP de Ames denuncio o estado das obras que hai días que parecen non avanzar.
As conversas sempre teñen boa aceptación dos lectores e a do alcalde de Vedra, Carlos Martínez Carrillo non foi unha excepción. O mesmo sucedeu co proxecto pioneiro de alfabetización dixital que puxeron en marcha a Deputación e a Asociación de veciños compostelá Sandra Prego Rial.
E acabamos como comezamos, con festa. As foliadas en Compostela volven e convidan a desfrutar da música, do canto e do baile e ademais a aprender. Outro xeito máis de pasar o tempo libre e coñecer e desfrutar da nosa cultura.
