Cada fin de semana repasamos o máis lido en Lindeiros nos cinco primeiros días da semana. Aquí tes as novas que máis interesaron do 20 ao 24 de outubro.
Dúas novas relacionadas coa educación foron as máis vistas na última semana. Por unha banda está a protesta dos alumnos de bacharelato do IES Antón Fraguas de Santiago, á que se sumou onte a dos mozos do Rosalía de Castro, na que piden poder saír do centro nas horas libres. Os cambios de normativa para o presente curso fai responsable ao centro do que lles pase en horario lectivo e a consecuencia foi a prohibición de saír do recinto.
Por outra banda publicabamos en exclusiva que os cativos que comen no colexio de Ventín, no Milladoiro en Ames, teñen as mesas no vestíbulo e nos corredores. Uns espazos presuntamente destinados a saídas de emerxencia. Un problema que, polo que se sabe, dáse desde o principio de curso ante a falta de acordo entre a dirección do colexio, Concello e Consellería sobre onde situalos.
Tamén en educación, pero en este caso en infraestruturas, ten reclamacións Melide. Piden un novo peche para o CEIP Martagona xa que o estado do actual compromete a seguridade do alumnado.
A preocupación, e as medidas que queren adoptar, os veciños da zona nova de Santiago con respecto á violencia xerada na zona nos últimos meses foi outra das novas máis lidas esta semana. Unha situación que non é nova pero que parece ir a máis.
No espazo cultural a presentación no Museo do Pobo Galego do catálogo do Cantar de Cego en Galego tamén espertou curiosidade. A do cego que de feira en feira vocea os seus cantares é unha figura coñecida en xeral pero os protagonistas galegos teñen a súa propia historia e esta publicación a descobre para o gran público.
