Cada fin de semana repasamos o máis lido en Lindeiros nos cinco primeiros días da semana. Aquí tes as novas que máis interesaron do 16 ao 20 de xuño.
O que sucede nos concellos segue a interesar e moitos dos nosos lectores e é do máis lido, lóxico se pensamos que son cousas que afectan á veciñanza de forma directa ou indirecta. O caso do alcalde de Touro da para debate; despois de perder os fondos do Plan Único da Deputación (máis de setecentos mil euros) fixo o mesmo que lle dixeron desde o organismo provincial que non servía, emitir un decreto para o plan adicional. Ten tempo de levar ese plana pleno e aprobalo tal como marcan as bases pero terá que convencer á oposición, da para unha serie.
Noutro concello, Brión, atopamos dúas noticias no top 5 do máis lido. Por un lado a sentenza que obriga a un pago de horas extras ao Grupo de Emerxencias, o GES, que suporán uns 165.00 euros. Por outra banda está inusual acordo entre Psoe e PP para sacar adiante certos temas ata final de mandato; acordo que inclúe unha dedicación de 600 euros brutos para un concelleiro do PP.
Como non podía ser doutro xeito o caso “Koldo” salpica a Compostela e aos edís expulsados do Psoe. Os agora non adscritos lembran que a expulsión a asinou Santos Cerdán pero din tamén que na elección de Aitor Bouza “inchouse o censo” antes de que fora elixido como secretario da agrupación local.
E rematamos coa modificación do plan especial o casco vello de Compostela. O primeiro dos cambios ao que seguirán dous máis. Nada de novas tendas de recordos, nada de máquinas automáticas e revisión dos usos comerciais. Búscase manter o comercio tradicional e preservar os comercios históricos ou con elementos destacables (mostradores, fiestras, columnas…). Facilitar a vivenda en estes espazos dividindo os pisos máis grandes en dous é outra das cousas que poden xerar cambios importantes,
