Ordes, 08/05/2026 – O pasado 26 de febreiro o pleno do concello de Ordes aprobaba por unanimidade a cesión dun espazo no Campo da Feira (Zona peonil, diante do Museo do Traxe) para colocar un busto de granito en recoñecemento a Manuel Viqueira Vieites.
O coñecido como Gaiteiro de Vilaverde, finado no 2015 aos 80 anos de idade, era coñecido así pola aldea na que naceu. A Asociación Grupo de Gaitas O Viqueira de Ordes foi a que presentou a solicitude acompañada de máis de 600 sinaturas.
A escultura, feita na Marmolería Suso de Ordes, será inaugurada o domingo 31 de maio ao mediodía, contando coa asistencia de autoridades, familiares, membros da Asociación así como moitos gaiteiros e grupos de música tradicional afíns a Manuel.
A homenaxe comezará ás 11:30h cunha concentración gaiteira na Alameda de Ordes, Tocarán ao unísono a “Muiñeira das Penedas” peza do repertorio propio de Manuel.
Da alameda sairán tocando por distintas rúas ata chegar ao Campo da Feira. Ás 13 h. descubrirase o busto na súa memoria como recoñecemento a súa longa traxectoria e aportación á música tradicional galega. A partir das 16h. Haberá Foliada aberta a todos os que queiran participar e sumarse á festa.
