Casa consistorial de Santa Comba
Bisbarra, 19 xaneiro do 2024 – O concello de Santa Comba ven de aprobar o convenio colectivo do persoal laboral despois de chegar a un acordo cos representantes dos traballadores.
Trátase do primeiro convenio laboral para o persoal do concello. Desde o equipo de goberno destacan a importancia de este logro para garantir os dereitos dos traballadores e, ao mesmo tempo, establecer unha normativa adaptada á lexislación e que mellore a eficiencia da administración.
O convenio recolle todas as condicións laborais dos traballadores que coinciden, en canto á xornada laboral, coa duración e compensación da administración xeral do estado. Recoñece ademais o dereito de todo o persoal, en réxime de xornada continuada, a unha pausa de trinta minutos de descanso dentro do horario diario.
Outros aspectos recollidos neste documento son o a regularización das horas extras ou das condicións profesionais como é a promoción interna ou a consolidación do emprego. Durante a vixencia deste convenio colectivo, o Concello de Santa Comba e o seu Goberno, dará prioridade en materia de oferta pública e ingreso á consolidación e reconversión do emprego temporal existente.
