Skip to content
Lindeiros

Lindeiros

Lindeiros, o xornal da bisbarra de Compostela e da súa capital,

Primary Menu
  • Xeral
  • Axenda
  • Concellos
  • Contacta
  • Axenda
  • Compostela
  • Xeral

O Colexio de Fonseca acolle unha mostra sobre Begoña Caamaño

Unha “afirmación da esperanza” recolle as múltiples voces de Begoña Caamaño

Inauguración da mostra sobre Begoña Caamaño en Fonseca

Compostela, 09/05/2026 – Xornalista, escritora, activista e un dos discursos máis destacados do feminismo galego contemporáneo. Todas estas voces emanan da figura de Begoña Caamaño a quen neste 2026 se lle dedica o Día das Letras Galegas.

A USC, a través da Biblioteca Universitaria e da Área de Cultura, súmase a esta homenaxe cunha mostra que percorre a traxectoria vital da autora e o seu compromiso co pensamento crítico, coa lingua e cos dereitos das mulleres.

Na mostra sobre Begoña Caamaño póñense de relevo as súas contribucións no eido do xornalismo radiofónico e da prensa escrita así como a súa decisiva achega á literatura galega a través dunha obra narrativa breve pero de enorme alcance.   

Segundo a reitora, Rosa Crujeiras, “Esta exposición convídanos a escoitar esas múltiples voces: a da narradora, a das súas personaxes, a da xornalista, a da muller e a da cidadá comprometida co seu tempo e coa súa lingua”.

Crujeiras subliñou os valores sobre os que se asenta a obra deBegoña Caamaño: “o feminismo, a xustiza social, a defensa da nosa lingua constitúen piares da nosa actividade universitaria; principios que interpelan ao conxunto da comunidade e respecto dos que asumimos o compromiso de promover, con responsabilidade e rigor, a súa integración efectiva e a súa asunción compartida por todas e todos”.

Para Mabela Casal, directora da Biblioteca Universitaria, esta mostra reúne “compromiso, literatura e conmemoración” e serve para lembrar a quen fixo da palabra “un exercicio ético”. Cristina Cabada, comisaria da mostra titulada ‘As voces de Begoña Caamaño’, lembrou que a exposición permite poñer o foco nunha obra “brillante, madura e reducida por mor da desaparición prematura da autora”.

Ademais de reitora, directora da Biblioteca e comisaria, o acto inaugural contou tamén coa intervención de dúas amigas persoais da homenaxeada: a xornalista e escritora, Ana Romaní, e a alcaldesa de Santiago, Goretti Sanmartín.

Para Ana Romaní, Begoña Caamaño é “unha figura iluminadora en tempo sombrío”. A xornalista definiu a Caamaño como unha “afirmación da esperanza”. Para Begoña, dixo, era preciso cambiar as cousas, por iso lanzaba cuestións incómodas como “a quen pertence o corpo das mulleres? Ou, por exemplo, que entendemos por democracia?”.

A alcaldesa lembrou a paixón que Begoña Caamaño sentía polo diálogo. “Gozaba da conversa nas ondas, no comité de empresa, en foros internacionais sobre os dereitos das mulleres, desfrutaba da conversa coas amigas”, dixo.

Escolma diversa

A documentación que se exhibe no Claustro Alto do Colexio de Fonseca ten como obxectivo achegar ao público a relevancia cultural, social e literaria de Begoña Caamaño, reivindicando unha autora que fixo do xornalismo, da palabra e da creación un espazo de intervención ética e política. 

A mostra presenta unha escolma de artigos de opinión aparecidos en distintas revistas e xornais, nos que a escritora viguesa toma partido a favor da insubmisión, contra a xestión do desastre ecolóxico do Prestige, na defensa do ensino e da sanidade pública e de xeito transversal, na defensa dos dereitos das mulleres.

Nos apartados dedicados ás súas dúas novelas, Circe ou o pracer do azul e Morgana en Esmelle técese un diálogo con autoras como Margaret Atwood e as galegas Xohana Torrres, María Xosé Queizán ou Chus Pato, pioneiras na tarefa de reformular figuras de mulleres senlleiras, reais ou imaxinadas.  

A escolla de Begoña Camaño para as Letras Galegas 2026 converte esta exposición nunha boa oportunidade para redescubrir un legado que segue plenamente vixente.  A mostra pode visitarse do 5 ao 28 de maio, en horario de luns a venres, de 11.00 a 14.00 e de 17.00 a 20.30 horas.

Post navigation

Previous: A situación sanitaria en Teo no Parlamento de Galicia
Next: O Son Do Camiño anuncia os horarios da súa edición 2026

Máis novas

Un momento do pleno de Brion no que se destinou un millón de euros ao pago de facturas
4 minutes read
  • Xeral

Brión rebaixa a taxa do lixo

Rois: aprobadas en pleno a renovación de ordenanzas fiscais
3 minutes read
  • Xeral

Rois actualiza licencias e cede xestión á Deputación

Concello de A Estrada_DSC9226 slide_r
3 minutes read
  • Xeral

Reclama que se respete na Estrada a Lei de Memoria Democrática

compostela arco de mazarelos_good 7 novembro 2026
3 minutes read
  • Compostela

Unha nova vida para o Arco de Mazarelos

ateneo desafios intelixencia artificical 7 novembro 20226
2 minutes read
  • Xeral

Os desafíos da Intelixencia Artificial nos Luns do Ateneo

mancomunidade ordes saida patrimonio 5 novembro 2026
2 minutes read
  • Xeral

Nova saída para coñecer a Mancomunidade de Ordes

bng maes parquing milladoiro 6 novembro 2026
3 minutes read
  • Xeral

As incógnitas do aparcadoiro do Milladoiro

deputacion via verde remata en marzo 6 de novembro 2026 (1)
4 minutes read
  • Xeral

A Vía Verde podería estar rematada en marzo

Etiquetas

25N (53) alcaldes (78) asociacións e fundacións (2086) Ciencia (116) Comercio e empresa (665) Coronavirus (278) Crechas (38) Cultura (2831) Curtocircuito (40) Deportes (751) Economía (450) Educación (778) eleccions (50) Emprego (244) Entroido (42) Festas e Feiras (623) Festivais (837) Galego (146) Institucións (1441) lixo (88) Mancomunidade de Ordes (45) Mandingo (92) Medio Ambiente (1626) muller (187) Nadal (200) Obradoiro Cab (79) o máis lido da semana (55) Patrimonio (834) Plataforma Casalonga limpa de residuos (81) Plataforma Veciñal Mina Touro O Pino NON (42) Plenos (740) Politica (951) saúde (534) Servizos (2704) sindicatos (109) Social (567) sucesos (133) Tabernalia (184) Tecnoloxía (46) Transporte e estradas (703) Turismo (223) Universidade (588) urbanismo (265) xuntas de goberno (37) Xustiza (120)
  • Facebook
  • X
  • Instagram
  • BSky
  • Youtube
  • Whatsapp
Copyright © 2026 All rights reserved. | MoreNews by AF themes.

Utilizamos cookies propias e de terceiros para garantir o correcto funcionamento do sitio web, medir o seu uso e mellorar os nosos servizos. Podes aceptar todas as cookies, rexeitar as non necesarias ou configurar as túas preferencias. Política de cookies

Configure cookies

Necesarias para que o sitio web funcione correctamente. Non se poden desactivar desde este panel.

Axudan a medir o uso do sitio web e a mellorar os seus contidos.

Permiten publicidade, medición de campañas ou personalización de anuncios.

Gardan preferencias ou permiten contido externo non necesario.