Ames, 21 de maio do 2019 – Este verán, o concello de Ames convertese nun dos municipios elixidos pola Real Federación Española de Fútbol, xunto a Cerceda e Cedeira, para transformarse nunha das sedes do Campus de Fútbol que organiza na provincia.
Ames acollerá este campus entre o 14 e o 27 de xullo. O prazo de inscrición para participar nesta actividade, dirixida a nenos e nenas de 8 a 17 anos, xa está aberto, e pode formalizarse a través da seguinte ligazón (http://inscricion.campusrfef.es). O campus estará dividido nunha primeira quenda, que transcorrerá entre os días 14 e 20 de xullo; e unha segunda, que terá lugar do 21 ao 27 de xullo. Tamén existe a opción de participar na quenda dobre, que se estenderá do 14 ao 27 do mesmo mes. Durante o transcurso desta iniciativa, os diversos profesionais da RFEF combinarán a ensinanza técnico-táctica deportiva coa educación extradeportiva de valores relacionados coa práctica do deporte, co obxectivo de animar aos mozos/as a practicar deporte. O campo do Milladoiro e o colexio de Ventín serán os sitios onde se desenvolva a actividade.
