Teo, 10 de febreiro do 2022 – O proxecto do novo centro de saúde para Teo caeu nunha situación que se da demasiado a miudo. Todos están de acordo na súa necesidade pero non se poñen de acordo en como levalo a diante.
Un dos actuais centros de saúde de Teo
Ata o de agora as novas eran que hai previsto un novo centro de saúde para o concello que suporá 16 consultas de adultos, área bucodental, despacho de traballador social, área de infecciosos, consulta de urxencias, 4 salas polivalentes, toma de mostras, e área pediátrica con 4 consultas.
O centro de saúde dos Tilos epicentro do conflito
O concello tiña que ofertar unha parcela para a súa construción e este parece ser o problema. O concello ten dispoñible unha na Ramallosa. Ao mesmo tempo apoia á veciñanza dos Tilos que reclaman que se manteña aberto o que existe na actualidade e que pecharía no caso de construírse o novo.
O Psoe levou unha iniciativa ao Parlamento sobre este tema. O argumento é claro: o actual servizo atende a 2.500 persoas que de manterse o Plan de Infraestruturas terían que desprazarse seis kilómetros para ser atendidos. A Comisión rexeitou, cos votos do PP, a modificación do plan.
Reubicar o novo centro
En este contexto desde a Xunta enviaron unha carta ao concello que segue a complicar o debate, O que se di é que o terreo da Ramallosa era adecuado para o proxecto inicial, no que se centralizaba todo o servizo do concello, pero que xa mudo e que agora se precisa un terreo no que aglutinar os servizos que se ofertan na actualidade en Cacheiras e nos Tilos.
O que se pide é que se oferte un terreo de 2.500 metros cadrados que, como é lóxico, estea na contorna dos dous centros a eliminar, Os Tilos e Cacheiras. Unha demanda que frea a futura infraestrutura xa que se pasa de ter proxecto e terreo a ter só os planos.
Todos de acordo.
Así as cousas o alcalde de teo, Rafa Sisto, convocou unha Xunta de voceiros e enviou unha solicitude de reunión co Conselleiro de Sanidade, Julio García Comesaña. Da xuntanza cos grupos políticos do concello o que saíu foi un consenso “o novo centro é irrenunciable, a construír o antes posible, e esta demanda non pode depender de diferentes opinións que se poidan ter respecto a temas concretos”.
Tamén coincidiron en que a situación de outro dos Centros de Saúde do concello, o de Pontevea, é moi deficitaria e non pode seguir así. Como remate ninguen ten a seguridade de que o traslado do proxecto desde a ramallosa a outro terreo máis próximo aos Tilos vaia solucionar as demandas dos veciños dos Tilos.
Resumo
O resumo é que hai un proxecto para un novo centro de saúde en Teo. Dito proxecto está incluído no Plan de Infraestruturas da Xunta de Galicia.
Ata o de agora existía un terreo dispoñible de inmediato na Ramallosa pero, polas últimas declaracións desde a Consellería, non serve xa que se quere levar o proxecto máis cerca dos Tilos e cacheiras.
Sobre as deficiencias no centro de Pontevea só se sabe que existen pero non hai un plan para solucionalas.
