Lalín, 2 de xuño do 2022 – Mais de 2.400 restos arqueolóxicos atopados no Castro de Doade, en Lalín, foron doados ao museo etnográfico Casa do Patrón procedentes da campaña 2021.
Dª Vanesa Trevín Pita, Arqueóloga directora da intervención foi a encargada de asinar a doación xunto co xerente da Casa do Patrón, como receptor dos restos, Don Manuel Blanco Villar.
A campaña arqueolóxica realizada no 2021 tiña como obxectivo a posta en valor turística do Castro de Doade. Os restos atopados foron limpados, siglados, fotografados, catalogados e inventariados antes da cesión..
Nesta importante campaña descubriuse o lenzo exterior da muralla orixinal do Castro e quedaron consolidados e musealizados 18 metros de parede, que se poden contemplar no propio xacemento. Xunto a esta nova parte están os lenzos externo e interno da outra muralla e as vivendas e demais construcións atopadas en actuacións anteriores.
Os visitantes da Casa do Patrón poderán descubrir os novos restos arqueolóxicos entre os que se atopan varios anacos de cerámica con diferentes decoracións, algúns deles pertencentes ao mesmo cacharro, debidamente encaixados e pagados entre sí, restos de varios muíños circulares e naviformes, etc.
Podes ler máis sobre o museo Casa do Patrón nos seguinte enlace
