Oroso, 30 de marzo do 2021 . O concello de Oroso iniciou unha nova campaña de limpeza e desinfección dos espazos públicos como ven facendo desde o comezo da pandemia.
As tarefas de desinfección realízanse en rúas e prazas, prestando unha especial atención ás proximidades do centro de saúde, farmacias ou supermercados, ademais dos colectores de lixo.
Desde o comezo da pandemia, o Concello de Oroso realiza estas tarefas desinfectantes e repartiu xa máis de 125.000 euros en material de protección (EPI) para os establecementos comerciais e a veciñanza.
O concello aproveita para facer un chamamento aos seus veciños e veciños, co obxectivo de respectar todas as normas e recomendacións de interacción social durante a Semana Santa.