Noia, 18 de abril do 2022 – O Departamento de Cultura do concello de Noia presentou a programación completa do San Marcos 2022, catro días de festexos que comezan este próximo venres.
Tras dous anos de pandemia o San Marcos recupera a rúa para que veciños e visitantes disfruten de Noia. As orquestas e os concertos xunto coa foliada e a feira cabalar centrarán as actividades das catro xornadas.
Programación San Marcos 2022
O venres comezan as festas a partir das oito da tarde co lanzamento de bombas de palenque. A música estará en dúas ubicacións. Na Alameda verbena coa orquestra New York e na praza do Curro co concerto de Vacas.
O San Marcos continúa o sábado cun roteiro cabalar desde as once da mañá e un pasarúas a cargo do grupo “Os Salgueiriños”. Tanto pola mañá como pola tarde haberá xogos populares para os cativos e non tan cativos no Campo da Feira. Pola noite de novo verbena na Alameda coa Orquestra Compostela e La Ola ADN. Mentres na Praza do Tapal concerto de Boomers e DR. Queen.
O domingo 24 terá lugar a V Foliada San Marcos desde as once e media da mañá. As seis da tarde na Praza do Tapal concerto de Ailá e na Alameda desde as nove e media actuación da Orquestra Paris que xoga na casa.
O luns 25 pechanse as festas coa Feira Cabalar e a exposición de maquinaria agrícola. Será no paseo de San Lázaro desde as dez da mañá. Xa pola noite a prquestra Marbella será a encargada de pechar o San Marcos 2022.
