Noia, 20 de maio do 2022 – O Departamento de Cultura do concello de Noia pechará o Mes das Letras coa compañía Oviravai e o espectáculo “ A teacher Lu”.
“ A teacher Lu” ofrece un momento de lecer e aprendizaxe familiar a través da música. 50 minutos nos quecatro artistas cantarán e bailarán as cancións incluídas no libro do mesmo nome. Os espectadores aprenderán a importancia das linguas partindo do galego.
Oviravai organiza todo isto cunha coidada posta en escea e un inxenioso guión, que serán a pauta para adentrarse no universo de música e risas.
Data e entrada
A entrada é libre ata completar aforo. O espectáculo forma parte do ciclo Falaredes e porase en escea o sábado 28 no Teatro Coliseo Noela a partir das sete da tarde.