Bisbarra, 18 de agosto do 2022 – O Departamento de Cultura do concello de Noia ven de presentar o cartaz das festas de San Bartolomeu, unha das citas máis agardadas do verán.
O concelleiro de cultura, José Pérez, foi o encargado de presentar o San Bartolomeu ante os medios. Destacou a gran variedade de artistas destinados para distintos públicos que estarán presentes dende o martes 23 ao domingo 28, ademais dos espectáculos infantís coma obras teatrais, exhibicións deportivas e moito máis.
Programación
Aínda que durante todos os días das festas hai abundantes citas algunhas delas son destacables. O primeiro día, o 23, ademais de teatro infantil o unha exhibición de taekwondo a noite presenta unha oferta moi especial.
A Alameda noiesa acolle a partir das 22:30 o espectáculo da orquestra París que xoga en casa. Pero ademais ese día a partir das 23:00, na Praza do Tapal, Baiuca e Boyanka Kostova mostrarán a súa mestura de folk, trap e música electrónica.
O día seguinte trae o I Torneo San Bartolomeu de fútbol. A partir das oito da tarde, no estadio de San Lázaro, o CF Noia enfrontase ao Flavia SD. Pola noite outra cita para marcar en vermello no calendario xa que ás 23:00 no Tapal estará Nacha Pop, un grupo mítico na historia musical española.
O xoves 25 haberá no Peirao do Marqués un concurso de pesca infantil a partir das doce do mediodía e as trece hora a Banda Municipal de Lousame tocará na Praza da Constitución. Xa pola noite o folk marca o calendario cunha foliada na Praza do Curro a partir das sete da tarde e a actuación , no Tapal, de Luar na Lubre a partir das once e media da noite.
O venres 26 a Banda Municipal de Música de Noia terá o seu momento na Alameda a partir das 13:00 horas. Xa pola Noite Olympus as dez e media e concerto de Marlon as once pecharán a xornada.
O sábado 27 celébrase o Día da Bicicleta a partir das seis da tarde no Malecón de san Lázaro. Xa pola noite, a partir das nove e media, na Alameda unha serie de concertos para todos os públicos. Comezará co espectáculo Gisela Disney Kids, voz oficial de Disney para España; Ana Guerra, Dasoul e unha sesión DJ irán animando o fin de festa pouco a pouco.
O domingo rematará o San Bartolomeu e farao ao grande. A unha da tarde Festa da Empanada na Praza da Constitución. Ás dez da noite, na Praza do Tapal, concerto de Ses. Na media noite a habitual sesión de fogos de artificio no Paseo Marítimo e , de novo no Tapal, a partir das 00:45 Noite de Berros con Tito Rober. Seis días para desfrutar da festa e de Noia desde o vindeiro martes 23.