Bisbarra, 15 de xullo do 2022 – Desde hoxe a vila de Noia vivirá, tras dous anos de parón pola pandemia, unha das súas citas máis emblemáticas: a XXIII Feira Medieval.
O concelleiro de Cultura, José Pérez, indicou na presentación que levan todo o ano traballando para unha cita das máis esperadas tras o parón sanitario. Ese esforzo verase recompensado cunha Noia na que artesáns, veciños e visitantes vestidos de época encherán as rúas ata o domingo.
En esta vixésimo terceira edición participarán 115 postos de artesanía, outros 30 de alimentación. Tamén se desenvolverán 17 obradoiros e haberá ata 15 pasarrúas. A apertura será as cinco de esta tarde e comezará coa agrupación folclórica Salgueiriños. A partir de ese momento as rúas encheranse co paso da Banda Cultural de Noia ou os espectáculos da gaiola dos Leprosos e o Turdión Medieval.
Tedes o programa completo aquí
José Pérez engadiu que se trata do evento que máis xente congrega en todo o ano o que fai especialmente complicado de organizar. Na procura da máxima seguridade o concello instala un centro de control no Coliseo Noela desde o que se coordinarán todos os medios “máis de vinte persoas de seguridade, Garda Civil, Policía Local, reforzo que pedimos á Subdelegación do Goberno, dúas ambulancias e Cruz Vermella”.
