Bisbarra, 29 de agosto do 2022 – Tras actuar en San Martiño Pinario, en Compostela, o mosteiro de Armenteira e na igrexa da ventosa na Golada Amancio Prada canatrá a Rosalía na igrexa de san Martiño en Noia.
Os catro concertos contan co apoio da Xunta e o Xacobeo 21·22. Supoñen o retorno a Galicia de Amancio Prada cun repertorio dedicado por completo a Rosalía de Castro. O acceso aos concertos é de balde ata completar os distintos aforos.
A vindeira cita será na Golada, na igrexa de Ventosa, o sábado día 3 e ao día seguinte, o domingo 4, as nove da noite, o concerto será en Noia na igrexa de San Martiño. Este templo foi declarado monumento nacional no 1931.
Prada e Rosalía
Amancio Prada está unido a Rosalía desde o comezo da súa dilatada carreira musical. Dende 1974, o cantautor leonés ten musicado, cantado e gravado a obra da gran poeta galega. A través da súa voz ten chegado a todo o mundo, dende Santiago a París, Barcelona, Granada, A Habana, Oviedo ou Moscú.
Amancio Prada tiña 19 anos cando coñeceu a obra de Rosalía e no 1975 gravou un disco dedicado á poeta, acompañado ao violoncelo por Eduardo Gattinoni. Un ano antes, no seu primeiro álbum gravado en París (Vida e morte), xa incluíra dous temas con letra de Rosalía: Como chove miudiño e Un repoludo gaiteiro.
Mesmo antes de eses discos o cantautor xa tocaba a Rosalía en directo. Nolo contaba no 2021 e lembraba que, en certo modo, serviulle no ano 69 para comprar unha guitarra.
O amor de Amancio por Rosalía remontase a súa adolescencia cando estudaba en Valladolid e votaba de menos a súa casa no Bierzo
Gañador da Medalla Castelao e do Premio da Cultura galega, entre outros importantes galardóns, Amancio Prada ofrecerá desta volta un repertorio monográfico co que busca amosar o amplo e variado abano dos cantares, pensamento, sensibilidade e lirismo da poeta galega por antonomasia.
