Compostela, 12 de abril do 2021 – O MICE outorga o premio ao Mellor Filme a Neiti Aika, da realizadora finlandesa Elina Talvensaari.
A MICE e concedido , “pola súa proposta de historia de vida dunha persoa que xa non está, realizada desde á recuperación da cultura material, cun traballo de investigación minucioso e cun ollar persoal e poético sobre o tempo e a memoria tocando diferentes esferas da condición humana”.
O filme De los nombres de las cabras, de Miguel G. Morales e Silvia Navarro, recibiu unha mención especial “pola súa condición de ensaio que integra a Historia e a etnografía a través dunha riqueza de materiais ao tempo que amosa unha brillante concepción da montaxe e o deseño sonoro”.
Na categoría de mellor Filme Galego o gañador foi A miña Terra, de Santiago D. Risco, “pola abordaxe sobria dun tema complexo e a reflexión sobre o territorio, a herdanza e a familia a través dun bo exercicio de observación con elementos poéticos”.
Os xurados
O xurado da 16ª edición da Mostra Internacional de Cinema Etnográfico do Museo do Pobo Galego estivo composto por Bibiana Martínez Álvarez (doutora en Antropoloxía Social e investigadora no Grup d’Estudis sobre Reciprocitat da Universitat de Barcelona e no Grupo de Estudos Territoriais da Universidade da Coruña); José Manuel Sande (xestor cultural, activista, docente e programador de cinema do CGAI Filmoteca de Galicia); e Filipe Martins (doutor en Semiótica Social, profesor na Escola Superior de Media Artes e Design e director do festival Family Film Project do Porto).
por outra banda o xurado AGANTRO, da Asociación Galega de Antropoloxía, constituído por Guadalupe Jiménez-Esquinas (antropóloga, doutora internacional pola Universidade do País Vasco (2018) e na actualidade profesora de Antropoloxía Social e Cultural na Facultade de Filosofía da Universidade de Santiago de Compostela), Joan Roura (licenciado en Antropoloxía Social e Cultural pola Universidade de Barcelona, membro do grupo de investigación do Centro de Estudos sobre Culturas Indíxenas e Afroamericanas) e Carlos Diz (doutor en Antropoloxía pola Universidade da Coruña, onde dá clase, forma parte do Grup de Recerca en Exclusió i Control Socials da Universitat de Barcelona) decidiu conceder o premio á excelencia antropolóxica, o Premio AGANTRO, a Como el viento, de Raquel Ruiz “por retratar con profundidade, rigor e sensibilidade etnográfica as dinámicas cotiás dunha comunidade xitana en Arxentina”.
Finalmente o xurado da Asociación Galega de Profesionais da Dirección e Realización (CREA) outorgou este primeiro Premio CREA da MICE ao filme A poeta analfabeta de Sonia Méndez, que aborda a vida da compostelana Luz Fandiño, “pola súa solvencia na elaboración dun filme biográfico que retrata unha personalidade singular, mestura con acerto diferentes materiais e apela ao propio proceso de traballo”.
Nesta 16ª edición da MICE o Premio do Público recaeu no documental de Manuel Pedrosa rodado no Macizo Central ourensán Entre Pastores e Lobos. Como foi certame híbrido, contáronse os votos pases presenciais dos filmes no Museo do Pobo, no Teatro Principal e mais no cinema NUMAX, ademais dos votos emitidos a través de internet co visionado das películas na plataforma Festhome, que se manterá activa ata que remate o domingo, 11 de abril.
