Bisbarra, 19 de xullo do 2023 – A Asociación Cultural Negreira Viva organiza este venres, día 22, o seu Entroido de Verán que terá entre as actuacións ás de Leticia Sabater e Cañita Brava.
A Asociación Negreira Viva formouse pola intención dun grupo de amigos de organizar un Entroido de verán na vila. Son once persoas e como presidente está na actualidade Diego Vieito, sendo o vicepresidente Manuel Balsa. Xa no pasado mes de abril contabamos que organizaban unha feira de abril para recadar fondos.
O programa de este Entroido de Verán comeza as doce do mediodía coa Charanga Os Celtas que animarán as rúas da vila pensando xa na tarde e na noite. As cinco será o momento da diversión cunha batalla de pistolas de auga na Praza do Cotón. A música a porá o DJ Babi.
A seguinte etapa de esta festa terá lugar as sete da tarde. Todo Entroido, aínda que sexa de verán, ten desfile e este chegará ata a Praza do Concello coa compañía da batucada Latexo Percusión. As oito a música a pora a Mekanika Rollin Band.
Entre as sete e as dez da noite os cativos terán tamén a súa festa na Praza do concello, onde haberá inchables e maquillaxe para eles.
As dez da noite o público é o protagonista. Nicravisión é un remedo do festival da canción no que os participantes concursan por facer o mellor playback, saber cantar da un pouco igual xa que do que se trata e de facer que cantas; unha iniciativa divertida coa que rirse e pasalo ben ata o broche final do Entroido.
A partir das 11 da noite a festa será moi especial xa que a protagonizarán Cañita Brava, El Capitán Sabrosura, Leticia Sabater e a Disco Móvil Mega CDC. Un Entroido de Verán no que o único que importa é divertirse.
