Bisbarra, 28 de marzo do 2023 – O concello de Negreira presentou este luns os traballos de redacción do novo Plan Xeral de Ordenación Urbana, PXOM, dos que esperan obter un primeiro borrador nun ano.
O proxecto para o novo PXOM foi explicado aos veciños nun acto que tivo lugar no auditorio da Casa da Cultura. Interviñeron o alcalde, Manuel Ángel Leis; o director da empresa Oficina de Planeamento, Alfonso Díaz; e Ánxel Viña, codirector.
Os traballos consistiran no aliñamento dos núcleos a delimitar e o estudo das afeccións. Manteránse ademais reunións en todas as parroquias e no casco urbano.Manuel Ángel Leis dixo que “O novo PXOM é moi importante para Negreira. Para a delimitación e clasificación do solo, sobre todo no rural; tivemos ademais dúas concentracións parcelarias importantes nos últimos anos e necesitamos un documento que aportará seguridade aos veciños”.Ao longo dos 22 anos transcorridos desde a redacción do PXOM vixente, a realidade urbanística do municipio e as necesidades da veciñanza mudaron por completo. Unha circunstancia que tamén xustifica a aprobación dun novo documento.“Os nosos veciños obterán unha maior seguridade xurídica no referido á normativa urbanística reguladora dos seus inmobles, xa que se adaptará un documento obsoleto á lexislación vixente”, engadiu Leis Míguez.Co novo plan, o goberno local pretende solucionar algunhas das problemáticas que maiores prexuízos causan entre a veciñanza, especialmente no ámbito rural. Aumentará ademais o chan industrial, para dar resposta ás empresas interesadas en asentarse en Negreira.