Bisbarra, 24 de outubro do 2024 – Negreira acollerá o vindeiro domingo, día 27, unha xornada de promoción dos produtos locais organizada polo Grupo de Desenvolvemento Local (GDR) Terras de Santiago.
O lugar elixido é a praza do Concello e busca promover non so os produtos locais, tamén o patrimonio e a riqueza do rural. Baixo o lema “Terras de Santiago: Máis alá de Compostela”, a xornada consistirá nunha degustación de eses alimentos por medio dun showcooking a cargo do chef José Manuel Mallón.
Esta iniciativa conta co apoio da Xunta de Galicia, o Fondo Europeo Agrícola de Desenvolvemento Rural e outras entidades locais, co obxectivo de poñer en valor a riqueza do territorio. Desde o concello convidan a toda a veciñanza da comarca a participar e desfrutar dunha xornada de encontro coa gastronomía da bisbarra.
