O concello de Negreira forma parte da rede galego de teatros e auditorios e comezará a programación dentro da Feira do Románico que chega na fin de semana.
O Concello de Negreira contará neste segundo semestre con catro actuacións dentro da rede galego de teatros e auditorios. Dende o Departamento de cultura sinalan a calidade e variedade na programación dos espectáculos previstos para o municipio.
O sábado 6 de setembro inaugurase a programación co pasarrúas de “Errantes de Troula animación”, que abrirán a Feira do Románico.
O venres 24 de outubro “As R(h)umorosas” con Marta Doviro, Ledicia Sola e Carmen Méndez presentarán unha comedia na que cantan e bailan provocando risas sen parar-
O sábado 15 de novembro “Las Preciosas Ridiculas” da compañía Arroz con costra de Valencia será unha oportunidade única de ver unha adaptación os tempos modernos dun clásico do teatro do século XVII de Moliere e cunha posta en escena espectacular.
Xa por último o venres 21 de novembro poderase ver “Sen Lingua” de Serea teatro, un drama que fala da violencia de xénero e que nos ven a concienciar cun problema da nosa sociedade.
O pasarrúas será de balde e as outras tres faranse no Auditorio Afonso Eanes do Cotón coa venda de entradas en woutick ou na oficina de cultura. Os prezos son de 5€ para a entrada xeral e descontos do 30% a persoas maiores de 60 anos e para os que teñan o carné mozo ao prezo 3,5€
