O alcalde de Negreira, Manuel Ángel Leis Míguez cando ao concelleiro de Cultura, José Antonio Villar Caamaño e maila concelleira Teresa Duro Leis presentaron a programación festeira do Entroido nicrariense.
Trátase dunha das grandes citas do ano e a Orquestra Olympus será a encargada de comezar coa festa o vindeiro 13 de febreiro. Será a partir das 22:30 horas na praza do Concello. A noite contará tamén cun DJ.
O día seguinte, o sábado 14 de febreiro chega o seu día grande co Desfile e concurso de carrozas e comparsas de Entroido. A concentración será a partir das 16:00 horas no Campo da Feira, e o comezo do desfile está para as 17:00 horas, a través da Carreira de San Mauro, rúa da Cachurra, avenida das Brañas, rúa Rosalía de Castro, rúa de Castelao e remate, na rúa do Carme, diante da Casa do Concello.
A agrupación musical Tíralle do aire abrirá o desfile e unha vez rematado, comezará a actuación musical da orquesta Suavecito e un DJ, na praza do Concello, lugar para a posterior entrega de mais de 5.000 euros en premios en torno as 20:00h.
Festa infantil
A terceira parada das festas de Entroido terá lugar o luns, día 16 de febreiro, a partir das 17:30 horas no pavillón do colexio O Coto, coa Festa infantil de disfraces. Non faltará a animación musical co Dj Animus, os xogos inchables, talleres de maquillaxe e un sorteo de agasallos entre toda a rapazada disfrazada. As inscricións están abertas na Delegación de Cultura ata o mércores 11 de febreiro.
