Pouco a pouco estanse pechando as vellas centraliñas de cobre que telefónica ten por toda a comunidade e chegou o momento de dicirlle adeus á de Negreira.
A Axencia para a Modernización Tecnolóxica de Galicia (AMTEGA), dependente da Xunta de Galicia, ven de comunicarlle ao concello de Negreira a desconexión da antiga centraliña de cobre que servía ao municipio.
Os usuarios trasládanse a outras tecnoloxías, maioritariamente á fibra óptica, polo que os pares de cobre que se usaron durante décadas quedan obsoletos e baleiros de uso polo que vanse desmontando por parte de Telefónica, o operador.
Uns cambios que serán definitivos e completos en maio de este mesmo ano. Algo que afecta a todas as compañías de telefonía aínda que o proceso o leve a cabo telefónica xa que foi o primeiro , e durante moitos anos único, operador.
Como queira que este proceso pode xerar dúbidas e posibles incidencias entre os usuarios finais, para atender calquera consulta ou problema, os usuarios deben poñerse en contacto co seu operador a través das súas canles comerciais habituais.
