Negreira, 8 de novembro do 2021 – Co gallo do 25 de novembro o concello de Negreira organiza a XI edición do concurso Loita contra a violencia de xénero.
Loita contra a violencia de xénero premiará os relatos curtos e carteis gráficos que se presenten ao concurso. esta organizado polo Concello de Negreira, a través do Centro de Información á Muller (CIM), co fin de sensibilizar á poboación sobre desta lacra social.
O certame está dirixido a menores de 18 anos. O concurso divídese en tres modalidades: relato curto, cartel gráfico e curtametraxes. A temática a que deben axustarse os traballos é a Loita contra a Violencia de Xénero en tódalas súas manifestacións: física, psicolóxica, sexual, económica, estrutural… así como os efectos e consecuencias da mesma en tódalas persoas que a sofren.
Os traballos deberán ser entregados no Centro de Información á Muller no Concello de Negreira, nun sobre pechado. Deberá constar un número de teléfono de contacto e en ningún caso deberá aparecer o nome da persoa participante. A identificación da persoa levarase a cabo mediante o uso dun pseudónimo.
Tódolos traballos que se presenten deberán ser orixinais, inéditos e non presentados en anteriores concursos en Negreira ou en outros concellos. O prazo de presentación remata o 18 de novembro.
O Premio ó mellor relato curto será un vale regalo por importe de 100 euros a utilizar nunha tenda da vila. O Premio ó mellor cartel gráfico: vale regalo por importe de 100 euros a utilizar nunha tenda da vila. Finalmente o Premio ó mellor curtametraxe: vale regalo por importe de 100 euros a utilizar nunha tenda da vila.
