A Axuda no Fogar demostrou nos últimos anos a necesidade dunha parte da poboación, maiores e discapacitados principalmente, de servizos de apoio. Máis alá de pensións ou axudas, a colaboración de profesionais no día a dia é unha necesidade cada vez maior.
En esa liña os concellos comezan a implementar servizos a domicilio de distinto tipo. Negreira ven de anunciar que, a través do seu Departamento de Servizos Sociais, impulsa o Programa de Fisioterapia e podoloxía, unha iniciativa destinada a mellorar a calidade de vida das persoas maiores do municipio.
A oferta de Negreira vai dirixida a persoas maiores de 60 anos que sexan dependentes ou teñan algún grao de discapacidade ou problemas de mobilidade, ofrecéndose atención gratuíta no propio domicilio para facilitar o acceso aos servizos e garantir o benestar dos beneficiarios.
Este novo servizo súmase ao SAF, Servizo de Axuda no Fogar, que nos últimos anos revelouse como un dos piares no apoio ás persoas maiores e tamén dos máis demandados. A petición á Xunta, por parte dos concellos, de máis financiamento demostra a súa implantación no territorio.
As persoas de Negreira interesadas en participar deben presentar a súa solicitude ata o día 30 de xaneiro de 2026, no Departamento de Servizos Sociais do Concello ou contactando a través do número de teléfono: 981 88 53 81
