Bisbarra, 19 de agosto do 2022 – Tras dous anos de parón volve a Noite Folk de Negreira, unha das citas musicais máis clásicas da bisbarra que cumpre dezaoito anos.
A XVIII Noite Folk ten ademais este ano un engadido. Tras a noite, o sábado 20, chegará unha sesión vermú o domingo 21. Muda tamén a ubicación que pasa do Refuxio de Pescadores de Covas ao Patio Interior do CEIP do Coto, un lugar moito máis céntrico e accesible.
Programa
O sábado 20 son tres as actuacións programadas na XVIII Noite Folk. A partir das dez e media actuarán Fransy, Davide e Cibrán, tres artistas con sólidas carreiras que se uniron en este novo proxecto baseado na música de raíz.
A continuación será a quenda de Celtian. Tras este nome está Diego Palacio, ex flautista de Mago de Oz. A súa nova banda traballa principalmente coa música irlandesa, algo reforzado coa incorporación da vocalista e letrista Xana Lavey. Unha proposta interesante e de gran calidade como actuación central da xornada.
O peche o poñerán tanto Nos Ten, TNT. A estes trouleiros de Redondela gústalles dicir que son un grupo furtivo. Desde una visión musical tradicional, as súas letras poderían considerarse de “escarnio e maldicer” sobre os problemas reais que nos afectan. Un espectáculo no que o público é parte fundamental.
Sesión vermú
A Noite Folk nicrariense este ano é tamén día. O domingo as doce e media terá lugar unha sesión vermú que manterá o listón de calidade moi alto. Xabier Díaz e Adufeiras de Salitre repiten xa que no 2018 actuaron xunto a Malvela e Caxade. O lugar o mesmo e a hora as doce e media polo que dará tempo de durmir despois da noite anteior.
Unha cita imprescindible para os amantes da música celta e tradicional que volve a Negreira tras dous anos de parón.