O concerto é un clásico na programación cultural de Negreira para o verán e terá lugar o vindeiro día 1 de agosto.
Hai uns días que se presentaba o Nicrarock 2025, unha das citas musicais do verán no concello de Negreira. Este ano ábrese cunha banda de versións de contratada calidade. D’Crooners traerán a súa visión de éxitos da música dos anos 60, 70, 80 e 90, cun enfoque no soul, rock, pop latino ou jazz.
Michael J. Rey vocalista, Marcos Gómez guitarrista, Juan Ortega alias Changui aos teclados e Marcos Outeiral o LeMark na bateríason os compoñentes de este grupo. O obxectivo dos seus concertos é conseguir recrear o vivido nos concertos da épocas douradas da música, incluíndo temas de artistas como Elvis Presley, Tom Jones, Tina Turner e grupos como Pink Floyd, Toto ou U2.
A banda defínese pola súa paixón e bo gusto ao interpretar os clásicos, convertendo cada actuación nunha experiencia única. Ademais, o seu repertorio é versátil, con diferentes estilos e épocas, coa finalidade de conectar co público e facerlles revivir momentos memorables.
Loita Amada
Loita Amada esta composta polos músicos Jásper a guitarra e voz, Amós Varela á batería, Xiana Naval ao trombón , o baixista Alberte Fernández, o guitarrista Davide Salgado e a trompetista Ana Novo. Este proxecto novidoso xorde da canción protesta galega. O seu obxectivo é conducir este estilo a ocupar novos espazos e sonoridades.
Loita Amada é a nova poesía galega e xa dende o primeiro disco puidemos gozar desa dualidade: amor e loita, a que nos ten acostumados Jásper e que queda reflexada á perfección co nome da banda. Todo isto mesturando estilos que van dende a muiñeira ao vals, dende a xota ao rock forte.
Poi
O artista galego Tonhito de Poi chega ao Nicrarock co seu proxecto musical que combina rock, electrónica e chamanismo, cunha forte mensaxe de respecto á natureza e á identidade galega. “É un proxecto que xorde de moitos anos de amizade e de traballar xuntos. A música de POI ten tres ingredientes: rock, electrónica e unha parte mística que conecta coa natureza e co animismo, como facían os nativos da selva” explica Toñito.
O grupo está composto por Tonhito de Poi (voz e guitarra), Cristina Morquillas (teclados e produción), Mr. Vieito (batería) e Pache Cruz (baixo). Todos eles aportan o seu talento para crear un son que, segundo os seus integrantes, busca transportar ao público a un universo sonoro único. “Chamámoslle ‘Poi Floyd’ porque temos moita influencia de Pink Floyd, sobre todo na parte máis atmosférica e psicodélica”, comenta Morquillas.
