Negreira achégase ao Nadal coa vista porta na programación deportiva que durará ata o mes de febreiro. Torneos deportivos, excursións, e a ruta de sendeirismo, son algunhas das actividades previstas para estes meses de inverno.
A primeira das actividades será o torneo de tenis de mesa, o domingo 14 de decembro, tamén destaca o torneo xadrez, que xa é un clásico da programación nestas datas, ou o torneo de tenis de inverno, promovido polo club tenis Negreira nas pistas de Pedra Mámoa.VII.
Carreira do Turrón
O último sábado do ano vaise celebrar a Carreira do Turrón. Nesta sétima edición, xa consolidada no circuíto de eventos deportivos na comarca, terán lugar tres carreiras con distancias que van desde os 100 metros da categoría biberón até os 2.000 metros dos adultos, nunha xornada de festa, onde o menos importante é o resultado.
Para participar, só tes que vir caracterizado e gozar dunha xornada moi divertida en compaña de familiares e amigos, e estará aberta até o mércores 24 de decembro, ás 14:00 horas no seguinte enlace https://docs.google.com/forms/d/e/1FAIpQLScZtKcPk3aaeNmC4rCqIPagzF6FjSHZZ8MCoBDx1UZFm_vgug/viewform
Unha vez finalizada a carreira terán lugar as pre-badaladas, coa actuación dun DJ e as badaladas no Pavillón do Ceip o Coto.
Mini Campus de Baloncesto
Os días 29, 30 e 31 de decembro e 2, 5 e 7 de xaneiro Negreira organiza o Minicampus de Baloncesto de Nadal no Pavillón de Pedra Mámoa, unha boa ocasión para non perder o contacto co balón ou iniciarse nesta disciplina.
XIV Gala do Deporte
O Concello promove a súa «Gala do Deporte», a celebrarse o venres día 6 de febreiro, desde as 21:00 horas no Auditorio do Centro Sociocultural. Un xurado traballa en definir cales van ser os galardoados correspondentes ao ano 2025.
Un xurado composto por un representante de cada un do sete clubs federados existentes no concello de Negreira, xunto co técnico de Deportes, o director de Radio Negreira, e a concelleira de Deportes, esta última con voz pero sen voto.
Relación de premios:
1. Mellor deportista do ano 2025
2. Mellores deportistas promesas do 2025 (masculino e feminino)
3. Mellor equipo ou club do ano 2025
4. Mellor evento deportivo 2025
5. Recoñecemento ao patrocinador ou colaborador co deporte
6. Recoñecemento á traxectoria deportiva 7. Recoñecemento especial do xurado
