Bisbarra, 27 de agosto do 2024 – O concello de Negreira última os traballos de arranxo e mellora da escola infantil e do Colexio de Educación Infantil e Primaria, CEIP, O Coto.
O obxectivo do goberno de Negreira é que se atopen nas mellores condicións de cara ao comezo do curso. Na escola infantil estanse pintado de varias aulas; arranxando portas e proteccións para os nenos e nenas e cambiando luminarias. Por outra banda procedeuse a unha limpeza e desinfección a fondo de todo o recinto.
Nova zona de xogos no CEIP O Coto
No caso do CEIP o COTO o concello de Negreira está mellorando a accesibilidade ademais de acometer un mantemento dos interiores das portas e de varias dependencias. Procedese tamén ao lavado das beirarrúas, patios e parques de xogo.
Ademais estase preparando un novo patio infantil entre o comedor e as aulas de infantil. Unha nova zona acondicionada co céspede artificial retirado fai un mes do campo de fútbol de Cepelo. Este novo espazo será un área de xogos con maior seguridade para os máis cativos. Na actualidade queda por colocar o novo céspede, e instalar un balado perimetral que reforce a seguridade dos nenos cando saían a xogar. Todas as obras están sendo acometidas pola brigada municipal.
Reclamacións á Consellería
As obras recibiron a visita do alcalde de Negreira, Manuel Ángel Leis, que lembrou que moitas de estas melloras foran demandadas pola dirección do centro. O rexedor aproveitou para reclamar da Consellería de Educación cumpra o compromiso adquirido polo Xefe Territorial de Educación, Indalecio Cabana, na visita realizada ao centro en decembro do 2023.
A visita de Cabana fora solicitada polo alcalde atendendo a petición previa da dirección do centro e despois de contrastar as deficiencias da instalación.
En aquel encontro o Xefe Territorial comprometerase a realizar un arranxo das filtracións da cuberta e fachada; subministrar un pavimento para comprobar si minimizaba o risco de esbarar no patio interior de columnas; e, o máis importante, acometer a reforma integral da instalación eléctrica.
Todas estas deficiencias foron reflectidas nun informe encargado a un Organismo de Control Autorizado, OCA, e remitidas á Consellería de Industria. A un mes do comezo do curso, e seis meses despois do envío da OCA, a Consellería ven de emitir un certificado negativo e sen acometer ningunha mellora.
Manuel Ángel Leis esixe que dende a Consellería de Educación aprecien a gravidade da situación, se tomen as medidas oportunas canto antes e se resolvan os problemas da instalación para que se poida empezar o curso con normalidade, polo ben da veciñanza e dos cativos.
