Negreira, 9 de febreiro do 2023 – Fran González, unha icona do Deportivo, será o padriño da XI Gala do Deporte de Negreira que se celebra este venres, a partir das nove da noite, auditorio Afonso Eanes.
A gala recoñecerá aos mellores deportistas e clubs de 2022. Outorgaranse os premios a Mellores promesas, Mellor deportista, Mellor Club, Recoñecemento traxectoria, Recoñecemento colaboración e Recoñecementos especiais do xurado.
Fran González
Fran, o mítico 10 do Deportivo da Coruña, foi capitán do que se chegou a coñecer como Superdépor na década dos 90. En esta etapa o club herculino logrou os seus maiores fitos deportivos como unha liga de Primeira División no ano 2000 e dúas Copas do Rei (1995 e 2002), así como tres Supercopas de España (1995, 2000 e 2002).
Fran é un dos futbolistas máis queridos que militou no RC Deportivo. Comezou a súa traxectoria coma deportivista no ano 1988 e rematouna no 2005. Tamén foi internacional absoluto coa Selección Española (1993-2000), con dezasete partidos e dous goles. Disputou a fase final da Eurocopa 2000 e é pai do xogador Nico González, actualmente no Valencia CF.
