Bisbarra, 16 de setembro do 2022 – Setembro é mes de festas e romarías. Negreira acolle desde este domingo as de Santa Margarita.
Organizadas pola Asociación de Festexos de Negreira, en colaboración co Concello, as festas na honra a Santa Margarida, celébranse estes vindeiros domingo e luns. Este último día, luns 19, festivo na vila.
A programación comeza o domingo cedo. As nove e media da mañá II Torneo de Petanca “Concello de Negreira”, no aparcadoiro do campo de fútbol Jesús García Calvo. Os pasarrúas de ese día corren a cargo do grupo de gaitas Os Garuleiros.
As festas de Santa Margarita terán misa as dez e cuarto na Capela do Pazo do Cotón. Xa pola tarde, as sete, Festival de Bandas, na praza do Concello, coa Banda de Música Ciudad de Ponferrada e a Banda de Música Ateneo de Negreira.
O luns dezanove os pasarrúas serán cousa da coa charanga Os Celtas. Xa as doce do mediodía misa cantada na igrexa parroquial, e á saída haberá as bailas coa charanga Os Celtas.
A Santa Margarita rematará pola noite, as dez, coa verbena que amenizará a orquestra Finisterre, no campo da feira.
