Bisbarra, 10 de novembro – O uso das redes de mensaxería como xeito de comunicación coa veciñanza estase estendendo e agora o concello de Negreira abre “Negreira o día”.
Trátase dunha nova canle de información vía Whatsapp. O obxectivo de Negreira o día é manter á veciñanza informada de todo o que sucede na vila, a través do móbil e de xeito instantáneo.
A canle informará da actividade municipal, axenda cultural, obras, avisos urxentes e outras noticias e informacións de interese. O alcalde, Manuel Ángel Leis, explica que “Con esta nova canle, damos un novo paso para axilizar, dinamizar e garantir unha correcta información aos veciños e veciñas”.
O servizo consiste nunha lista de difusión, non é un grupo no servizo de mensaxería, polo que os usuarios non terán acceso aos datos ou información do resto dos rexistrados na canle de WhatsApp.
Para acceder a esta canle de whatsapp do Concello de Negreira, só hai que agregar á axenda de contactos o número de teléfono 609 704 109 e enviar unha mensaxe coa palabra ALTA.
