Bisbarra, 12 de febreiro do 2025 – A principios de este mes de febreiro o concello de Negreira recepcionou os fondos do Centro de Estudos e Investigacións Barcaleses (CEIBAR), o que se pode definir como a memoria da comarca da Barcala.
Todo o traballo realizado arredor da Barcala por CEIBAR estaban nas dependencias do instituto Xulián Magariños. O alcalde, Manuel Ángel Leis, xunto aos portavoces do Partido Popular, Rubén Suárez e do Bloque Nacionalista Galego, José Ramón Blanco, recepcionaron os fondos.
O material foi entregado polos que foran director do IES, Adelino Pose Reino e vicedirector, X. Amancio Liñares Giraut, cando foi creado este espazo no ano 2011 coincidindo co 30 aniversario do ensino público na comarca de Barcala.
O Concello de Negreira decidiu incorporar os fondos de Ceibar ó patrimonio bibliográfico municipal, facilitando que que exista un espazo para a memoria, consulta e estudos locais dos concellos de Negreira e A Baña.
Vaise proceder á catalogación dos fondos que van estar ao servizo do alumnado, investigadores e veciñanza, coa idea que irá agrandándose con novas incorporacións de materiais diversos, con especial atención ás publicacións de autores da comarca de Barcala.
