A gobernabilidade de Negreira leva condicionada desde o día das eleccións pola maioría de concelleiros na oposición fronte aos do goberno. Pese a iso acordos puntuais foron sacando adiante distintas cuestións e agora o Psoe de Manuel Ángel Leis consegue aprobar os orzamentos 2026.
Un orzamento de 6.838.000 euros crece en cerca de medio millón con respecto ao anterior. Esta subida ampárase segundo o executivo, no aumento de licencias como a do parque eólico Outes e as novas promocións de vivendas.
Aínda que o goberno municipal mesmo pensa en que estes ingresos poderían ser incluso maiores por taxas como a do lixo a oposición ten unha visión distinta. O Partido Popular pide máis investimento que apoie ao comercio e unha visión máis ampla das posibilidades do turismo, unha promoción que non se centre só no Camiño de Fisterra.
O BNG tamén pediu un esforzo para aumentar os ingresos e dedicalos a investimentos. Os nacionalistas tamén pediron unha mellor xestión que que cheguen ao pleno recoñecementos extraxudiciais de crédito por facturas do anterior exercicio. Unha queixa dada pola aprobación, tamén en este pleno, do pago de débedas do 2025 por máis de setecentos mil euros.
Finalmente o pleno aprobou o orzamento 2026 co voto a favor socialista e as abstencións de PP e BNG. Un pleno que aprobou tamén cen mil euros do POS da Deputación.
