O Nadal comeza a facerse presente en toda a bisbarra e A Casa do Patrón, en Codeseda, é un bo plan para a fin de semana. Un museo etnolóxico, un restaurante e esta fin de semana, ademais, un mercado solidario.
O visitante atopará un bo cocido de Lalín para curar o frío; 15 salas que visitar para coñecer a historia da nosa terra de múltiples formas; e este domingo, de catro e media a oito da tarde un mercadiño solidario organizado polas asociacións COGAMI e En Morea.
Un montón de beléns artesanais estarán espallados pola aldea. A partir das cinco da tarde abrirase a festa na carpa co grupo cubano Habana Feeling. Unha hora despois será o momento de prender as 80.000 luces de Nadal.
Non vos perdades esta xornada que promete ser, un ano máis, única e imprescindible. Unha viaxe ao profundo da bisbarra que paga moito a pena.
