Compostela, 14 de xuño do 2017 – A Asociación Galega de Musicoterapia pecha un mes de portas abertas con dúas xornadas no Auditorio de Galicia.
A Asociación Galega de Musicoterapia, AGAMUS, é unha organización sen ánimo de lucro que ofrece tratamentos gratuítos a pacientes dos ámbitos clínicos, comunitario, educativo, sanitario e social desde o ano 2003 para persoas ou grupos que o precisen e non teñan medios económicos.
Desde o pasado 15 de maio AGAMUS celebrou xornadas de portas abertas na súa sede de Conxo en Compostela, García Prieto 53. Cada día da semana dedicouse a un dos cinco ámbitos de traballo clínico e hoxe e mañá levarán tamén as xornadas a Sala Mozart do Auditorio de Galicia.
Hoxe día contarase coa colaboración da Dra. Mercedes Fernández Valencia (Psiquiatra e Psicoterapeuta) e Dna. Montse Merino, (Presidenta de AGAMUS. Modelo Casa Baubo. A&S. Musicoterapia Científica Aplicada)que trataran os seguintes temas:
Que é a Psiquiatría? Que é unha enfermidade mental? Modelos de intervención clásicos. Cara onde camiñan os novos paradigmas? Novo Modelo de intervención centrado no paciente desde a neurociencia. Que aporta a Musicoterapia á Saúde Mental? Perspectiva de intervención desde o Modelo Casa Baubo. A&S. Musicoterapia Científica Aplicada
A xornada rematará cun concerto o que Uxía porá a voz e Montse Merino tocará o piano.
Mañá día 15 a xornada centrarase na Neuroloxía e a Musicoterapia. Participarán a Dra. Susana Arias Rivas (Neuróloga do CHUS, experta en Ictus Isquémico e dano cerebral. Membro do equipo do LINC) e de novo a presidenta de AGAMUS, Dna. Montse Merino, e os temas a tratar serán:
Que é a Neuroloxía? Patoloxías neurolóxicas. Que é o ICTUS? Tipos. Factores de risco. ICTUS ISQUÉMICO. Síntomas, Fases de Tratamento. (1ª Causa de morte nas mulleres). Que aporta a Musicoterapia á Neuroloxía? Intervención no tratamento do ICTUS desde o Modelo Casa Baubo. A&S. Musicoterapia Científica Aplicada.
Ao remate, terá lugar unha experiencia vivencial coas persoas asistentes dirixida por Montse Merino
Ambas conferencias terán lugar as 8 da tarde e hai que inscribirse AQUI
