Músicas na linde, 22 de marzo do 2024 – The Rapants veñen de publicar o seu novo traballo “La maquina del buen rollo” no que afondan máis na contradición de poñer música de baile a letras maiormente tristes.
The Rapants naceron en Muros no 2018. Terbutalina, e os seus admirados Novedades Carmiña, eran e seguen a ser os seus referentes. A música disco dos oitenta está sempre presente e eles mesmos recoñecen a influencia dunha época na que discotecas como Paraiso ou La Luna eran a base da diversión.
As letras mesturan galego, inglés, castelán e calquera expresión que un poida atopar hoxe en día nos rapaces. Por suposto o desamor e unha tendencia ao pesimismo forman parte tamén de esas composicións.
A súa conexión coa xuventude quedou patente cando anunciaron os concertos de esta fin de semana, 23 e 24 de marzo, na Capitol. En poucos minutos venderon o primeiro e iso os levou a pechar a segunda data que tamén encheuse de súpeto.
Falamos co Samu, un dos fundadores, para coñecer un pouco máis que hai detrás de The Rapants e de este éxito. Comezamos polo básico ese amor pola música de baile e textos tristes.
Samu recoñece que gustaríalles ter vivido a época das discotecas. Lembra a muradana “Paraíso” na que se coñeceron os seus pais pero cre que hoxe en día teñen todo o que precisan excepto… bailar en patíns.
Nas súas letras o castelán , o galego e o inglés poden aparecer soltos ou mesturados, A explicación é sinxela e conecta directamente co seu público. Os rapaces falan así, non inventan nada o toman das conversas dos mozos.
Encher a Sala Capitol xa era para eles un reto pero cando conseguiron vender dous días Samu recoñece que quedaron abraiados e que agora máis que un reto o que da é respecto. Esperan non defraudar e que todo o mundo se divirta tanto como o farán eles.
Preguntámoslle tamén por como ve o momento actual da música en Galicia. Samu ten claro que se sinte moi orgulloso. Cre que nunca antes vivimos un momento tan bo e que temos que ir a máis.
The Rapants é sen dúbida unha banda a ter moi en conta. Encher a Capitol dous días da mostra do interese da xuventude pola música que se fai aquí á marxe de que sexa en galego ou en castelán. Un interese que non se queda en escoitar, tamén queren ver e bailar.
“La maquina del buen rollo” é iso, un disco para desfrutar sen máis. Unha colección de cancións que en directo vólvense máis vivas aínda e que conectan co público desde o primeiro momento. Tal vez sexa hora de que as salas volvan a colgar as bolas de espellos… nos apuntámonos.
