Hai pouco máis dun ano Nao poñía fin a unha exitosa carreira musical. Foi un final premeditado, no mellor momento do grupo tanto en calidade como en éxito, e sorprendeu á maioría dos seus seguidores.
Un concerto en Compostela pechaba ese ciclo e hai uns días, no que algún chamaría o cabodano do pasamento de Nao publicábase aquel concerto en DVD. En Músicas na Linde dámoslle unha volta ao o que foi este fenómeno.
Quedamos co vocalista e fundador de nao, Jasper. Vémonos nunha cafetería na que comezamos por preguntarlle como se senten, tras un éxito que non deixou de crecer e que pararon no mellor momento por vontade propia
A música galega vive un dos seus mellores momentos. O concerto “Adeus e grazas” que agora se edita en DVD reuniu a máis de 20 artistas para tocar con Nao, Jasper fala de camaradería e da necesidade de colaborar para ser máis fortes
Jasper fala con seguridade, ese ter claro o que querían facer é posible que sexa unha das claves do éxito. Preguntámoslle por ese pouco de ego que hai que ter para subir a un escenario e enseguida explica que non serve de nada sen outro tanto de humildade
A música de Nao e un derroche de enerxía en directo pero é na produción onde atopamos un coidado exquisito. Os seus temas que anos despois soan igual de ben e de actuais. Jasper recoñece que foi unha das súas obsesións desde o primeiro día, atopar un son propio
O País Vasco e Cataluña son dúas referencias en canto a estudos de gravación, por eles pasan os mellores e a experiencia acumulada de tantos anos deixase notar en todos os grupos que se achegan alí
O outro compoñente do traballo de Nao ao longo de estes anos foron as composicións, un punto reivindicativo sen abandonar os sentimentos como ben nos conta Jasper
Cando se pregunta polo apoio que se da a cultura e a música. Defende o apoio pero non unha cultura subvencionada. O problema non é só a falta de apoio, é que se goberna en contra
E chega o momento da pregunta, por que? decidiron publicar tres últimos discos nos que puxeron todo o que levaban dentro. Deron un último concerto e, no mellor momento, marcharon para casa. Jasper o explica así
Romanticismo e ideoloxía é unha combinación explosiva que pode dar resultados como a desaparición dun grupo como Nao. Quen sabe, as veces os xestos tolos de alguén, si é que son, inspiran a outros para avanzar. Antes o despois volveremos a saber de Jasper ou de algún dos seus compañeiros, é algo inevitable porque a paixón coa que fala so pode dar novas ideas. Mentres todo iso chega quédanos a súa música.
