Musicas na Linde, 16 marzo do 2023 – Falamos do dúo compostelán Grampoder que estarán este venres 17 na Sala Riquela a partir das nove da noite.
Grampoder son a evolución natural de aqueles The Homens que tan bos momentos deron a súa parroquia; un grupo de fieis que os seguen desde entón pese a súa irregular presenza nos escenarios. Unha fidelidade que nace da honradez á hora de compoñer e da enerxía que poñen en todo o que fan.
Regresan tras un longo período xa que desde o 2015 estaban practicamente desaparecidos salvos as incursións de Martín Wu no mundo da literatura. Precisamente mantemos con el a conversa xa que LeRoi, o outro cincuenta por cento de Grampoder, non pode acudir.
A parella marcouse como obxectivo ser algo que se puidera levar a calquera parte, ter a liberdade suficiente para facer o que quixeran. A compenetración que se da entre os dous xera ademais unha enerxía que os fai soar como si tiveran 15 anos, polo menos desde o punto de vista do entrevistador…
Esa enerxía, esa rabia, que poñen no escenario Grampoder nace da súa afección polo rock co que se identifican desde sempre pero tamén de que se definen como un grupo de directo. Algo que os leva a buscar sempre o impacto no público “que a cousa levante”
Moitos músicos senten a presión de ter que ofrecer algo cada certo tempo. Grampoder fuxe de esa presión e respectan sempre as súas circunstancias e os seus propios desexos. Hai dous anos reuníronse de novo e recoñecen que non lles preocupa en exceso a difusión. Agradecen aos seus seguidores que sexan tan fieis e ao mesmo tempo séntense cómodos pensando que non son moitos
PM é o seu novo disco, froito de esa forma de ser tan especial, as veces pesimista, que ten o grupo. Este venres 17 tocan no Riquela e a intención e seguir xirando por toda Galicia
Coma sempre preguntamos pola visión que teñen do momento que vive a música en Galicia. Unha vez máis, en varias nas últimas datas, aparece o concerto das Fillas de Casandra na Capitol (coas que falaremos proximamente), a Martín Wu sorpréndelle para ben a idade do público.
Grampoder son o exemplo perfecto de esa frase tópica “son boa xente” e encaixan tamén no outro tópico “hai que queremos como son”. Poñen todo o que teñen no que fan e fan o que queren facer, non enganan ao público nin se enganan eles mesmos. Un concerto de Grampoder e unha descarga de adrenalina e rock honesto. Si cando leas isto estás a tempo non deixes de acudir o venres 17 de marzo á sala Riquela en Compostela, e se non busca a seguinte data de Grampoder porque non te arrepentirás.
