Portada de "Tertulia" de Fillas de Casandra
Músicas na Linde, 27/04/2026 – Fillas de Casandra lanzaban o pasado venres “Tertúlia” un disco dos que compre escoitar en varias ocasións para poder debullar todo o que contén. Si na primeira parte parece unha rave, na segunda aflora toda a delicadeza das voces de María SOA e Sara Faro.
O disco, editado por Altafonte, define moito mellor que o seu primeiro traballo (“Acrópole”, Tremendo Audiovisual, 2023) o estilo de Fillas de Casandra. A electrónica non asoma, faise presente na metade do disco e toma o control dos temas e do ouvinte.
Cando a un pésanlle as pernas de tanto movelas chega ao mar da tranquilidade. Fillas de Casandra baixan tanto o ritmo e se volven tan orgánicas que chegan a xogar co estilo Lo FI como sucede en “Amor”, arrólannos con algo moi próximo a unha habanera como en “Verbena” ou déixanse rodear por sons moito máis orgánicos como en “Déixate ver”.
“Tertúlia” ten máis que música, ten contido. 12 temas nos que Fillas de Casandra abordan os afectos, a loita pola liberdade individual ou a xustiza social; e nos que contan coa colaboración de artistas da escena estatal como Abraham Cupeiro, Ede, Pipiolas e Zetak.
María SOA e Sara Faro están moito máis presentes en todo o que envolve ao disco, desde a parte máis musical á máis visual. O disco ten ademais o seu propio himno “Lodos” que convida a sumarse á “Tertúlia” o á festa porque as dúas cousas están en este traballo.
“Tertúlia”, unha idea
“Tertúlia” utiliza a cadeira como fío condutor e símbolo central do proxecto. Un elemento presente e clave no imaxinario popular para os encontros informais, as reunións veciñais e a transmisión oral. Este concepto transfórmase na portada do álbum a través de doce pezas escultóricas, unha por cada canción, creadas polo colectivo As dúas e punto. A imaxe visual do proxecto contou tamén coa fotógrafa Arancha Brandón e a deseñadora Kika V. Ramil.
A gran presentación de “Tertúlia” terá lugar o 9 de maio no Recinto Feiral de Pontevedra. O escenario transformarase nunha gran praza aberta onde Fillas de Cassandra citarán ao público para poñer, por fin, a palabra no centro. As entradas para o encontro, no que xa confirmaron a súa presenza Ede e Pipiolas, están á venda en https://woutick.com/es/entradas/fillas-de-cassandra-presenta-Tertúlia .
