Músicas na Linde, 25 de novembro do 2024 – Calquera día é bo para falar de música, pero si é o 25 de novembro mellor que sexa unha muller a que fale e se ten o carácter de Catuxa Salom mellor aínda.
Catuxa Salom ven de publicar o seu primeiro álbum que leva por título “Cāldo”, pensado para “facer bailar” e no que mestura todo o poso que leva acumulando desde que saíu da Arxentina e comezou a percorrer o mundo, ela mesma nos conta quen é
A súa música é un espazo no que entra de todo, unha fusión que reflicte o que é ela mesma como persoa. Cancións nas que a influencia arxentina está moi presente pero que soan actuais.
“Cāldo”, o disco que ven de publicar reflicte todas esas combinacións pero tamén a filosofía vital de Catuxa Salom. O disco tivo varios nomes ata chegar a este caldo con personalidade propia, cunha “ā” que se sae do común.
A música de Catuxa é claramente optimista, transmite un sentimento de rebeldía e loita que ánima case desde o primeiro compás. Ela pensa que se trata da súa propia forma de ser, herdada das súas raíces italoarxentinas
Si escoitar “Cāldo” paga a pena a súa posta en escena será tamén algo para non perderse. Catuxa non esquece que comezou tocando na rúa pero, sen deixar ese recordo, quere construír algo no directo que faga reflexionar ao espectador.
Estando o día de hoxe, 25N, próximo, non quixemos deixar de preguntarlle por este tema e esta foi a súa resposta.
Catuxa Salom leva un sorriso posto todo o tempo, é unha muller vital que transmite forza na súa actitude e na súa música. “Cāldo” é unha peza exquisita realizada a imaxe da súa creadora que ten un punto de melancolía; ese sentimento de volver a casa despois de telo pasado moi ben, de chegar ao noso lugar sen deixar de estar onde estivemos. Se pasa por onde esteades non deixedes de seguila.
