Musicas na Linde, 08/06/2026 – Baldur Brönnimann é o director musical e artístico da Real Filharmonía de Galicia, chegou a Compostela hai dous anos e medio e acaba de pechar a tempada do trinta aniversario da orquestra.
Brönnimann formouse na Academia de Música da cidade de Basilea e no Royal Northern College of Music de Manchester, onde posteriormente sería nomeado titor visitante de dirección.
A súa carreira como director artístico e musical comeza coa dirección titular da Orquestra Sinfónica Nacional de Colombia en Bogotá, posto que ocupou entre os anos 2008 e 2012. Entre 2011 e 2015 asumiu a dirección artística de BIT20, principal conxunto de música contemporánea de Noruega. Ademais, entre 2014 e 2020 foi director principal da Orquestra Sinfónica do Porto Casa da Música á que segue regresando cada temporada.
Falamos con el tras o último ensaio, na mesma cafetería do Auditorio de Galicia, sede da Orquestra. Baldur mantén unha idea clara da necesidade de acerca a orquestra á cidadanía, un xeito de devolver os cartos públicos que se empregan para mantela.
Este ano no que se cumpriu o trinta aniversario da Real Filharmonía foi moi satisfatorio para Baldur xa que tivo a oportunidade de desenvolver proxectos moi próximos á veciñanza.
Pese a ese traballo intenso que trata de popularizar a orquestra sen deixar de ser unha Filharmonía, en esta e en case todas as formacións de este tipo, mantense unha barreira que sitúa á formación algo afastada da cidade. As razón, explica Baldur, son moitas e variadas.
O Auditorio de Galicia é un lugar impresionante pero precisamente por iso infunde un certo respecto desde que se construíu. A súa situación, ideal para moitas cousas, impide que sexa visitado más a miúdo cando hai exposicións. Eses condicionantes fan que a diferencia cun concerto na Quintana sexa moita. Os dous teñen vantaxes e atrancos.
Baldur vive en España desde hai 13 anos pero estivo traballando en Colombia, Noruega ou Oporto. A dirección da Real Filharmonía doulle a posibilidade de coñecer como funciona o “ecosistema” español. Tivo que aprender sobre como somos e como se pode traballar con nos.
Que escoita un director de orquestra? Por suposto música clásica pero, dependendo do momento, Baldur escoita moita música en castelán e artistas moi mozos; desde Rita Payes ata Rodrigo Cuevas.
Baldur Brönnimann non deixa de pensar en ningún momento, un case pode escoitar como se moven os engranaxes dentro da súa cabeza. Acercar a Real Filharmonía á sociedade segue sendo un reto para él pero non se pode negar que dou pasos.
A Real Filharmonía, mesmo como o propio Auditorio e outras moitas cousas de Compostela, non está valorada dabondo. Segue faltando un sentimento de pertenza á cidade, non na orquestra pero si na cidadanía; e iso pese ao traballo de Baldur e de todos os directores anteriores.
Hai unha tarefa pendente en Compostela, a de integrar o Auditorio e a Real Filharmonía, na cidade. Que sen moverse do sitio pase de estar cerca a estar no centro, polo menos da conversa e da axenda. Baldur Brönnimann sexa posiblemente o máis adecuado para facelo, so hai que escoitalo.
