Músicas na Linde, 17 de novembro do 2023 – Desde maña sábado terá lugar en Galicia unha nova edición de Momentos Alhambra Acustiquísimos, un ciclo que combina tres cousas moi interesantes: música, gastronomía e patrimonio.
Catro concertos en catro cidades en catro espazos moi especiais. No caso de Compostela o patiode cristal do San Francisco Hotel Monumento acollerá a actuación de El Kanka e a guinda a porán Kike Piñeiro e Eloy Cancela da Horta do Obradoiro que prepararán unhas tapas especiais para este evento.
Quixemos falar con Alberto Alfonso que é o director de Art Musica a produtora de Momentos Alhambra Acustiquísimos. El comeza contándonos de onde partes estes Acustiquísimos que naceron hai seis anos
Aproveitamos a oportunidade de falar co responsable dunha produtora e preguntamos por esa evolución que levou a que os directos cobren protagonismo máis incluso que os discos e que sacan os artistas.
Non hai moito falabamos sobre o Outono Códax Festival e na entrevista a Martín Calviño mencionábamos a importancia dos patrocinadores privados. Algo que sucede aquí con Momentos Alhambra Acustiquísimos que tamén conseguiu unha marca propia dentro dos ciclos musicais. Alberto Alfonso coincide en esa importancia do apoio privado.
Unha das particularidades de estes concertos é a incorporación de chefs cociñando en directo. Unha combinación á que se sumamos espazos nos que se celebran atopamos uns momentos realmente únicos.
Rematamos preguntándolle polo concerto de Compostela, o vindeiro día 25 no San Francisco Hotel Monumento con El Kanka.
Catro concertos desde este sábado
Mañá sábado día 18 será o primeiro de estes concertos en Vigo. Alí estará Nena da Conte no hall do teatro Afundación e coa participación do chef Rafa Centeno do restaurante Maruja Limón. O venres 24, no Salón Árbores da Veira na Coruña, estarán Elefantes xunto co chef Luís Veira. O 25 a cita será a de Compostela e o 1 de decembro Acustiquísimos chegará a Lugo con Andrés Suárez no Círculo de Artes e Felipe F. Barcia da Horta de San Roque a cargo da cociña.
Aínda que as entradas están esgotadas quixemos contar un pouco como se desenvolven estes eventos pola súa singularidade. Un ciclo interesante que anotar na axenda para vindeiras edicións. Como nos dicía Alberto Alfonso o que se busca é a proximidade co público así que o número de convidados seguirá sendo limitado.
Unha aposta da iniciativa privada que, ademais de publicitar os seus produtos como é lóxico, crea cultura e aporta valor en este caso non só aos artistas, tamén á gastronomía e o patrimonio da nosa terra.
